Moving to another country(Hindi)

May 18, 2023 Wrote this before coming to US

Kisine puchh liya,

ki kya hi chhuttega waha jo tu itna soch rha videsh padhne jaane par,

maine bola,

Wo maa, jo har do ghante me kuchh bhi mujhe khilane ki zidd karti,

Wo baap, jo mujhe kabhi bhi kisi chhoti cheez ki phi kami nhi khalne diya,

Wo behen jo sabke saamne toh sab aadha mangti, par jab aise jo manglo, wo kabhi mana nhi karegi,

Wo mama jisne mujhe duniya daari batayi, jisne mujhe khulkar jeena sikhaya,

Wo college ke dost, jinse na jane kitne vaade kiye the sath bitane ke ek baar placement ho jane do,

Wo school ka dost, jisne tumhare har haar jeet ki kahani suni hai,

Wo dost jiske sath roz football khelta tha, jo har musibat me sabse pehle pahuchte the,

Wo girl bestie, jisne har mor par mujhe khudko kam nhi samajhne diya,

Wo ladki jiske sath ek date par hi jaa paaya,

Wo ladki jiska 2 saal se wait kar rha Bangalore shift hone ka, jo ki ab aa rhi kuch dino me,

Wo colleague jiske samne duniya bhar ki bharas nikali,

Wo colleague jisne corporate life jina sikhaya, kehte hai ki abhi toh tumne kuchh nhi dekha hai Shivam,

Wo zindagi jisko banane me 25 saal lag gye,

Kya phir se bana paunga main? Haan, par 25 Saal aur lag jayenge.